लोकसभा निवडणुकांच्या 4 टप्प्यांसाठी मतदान झाले आहे. या निवडणुकीत पूर्ण बहुमत मिळेल, असा भाजपला विश्वास आहे. तर 4 जूनला भाजपचा पराभव निश्चित असल्याचा दावा विरोधी आघाडीकडून केला जात आहे.आता एका मुलाखतीत केंद्रीय गृहमंत्री अमित शहा यांना विचारण्यात आले की, ‘भाजपने बहुमताचा आकडा गाठला नाही तर त्यांच्याकडे काही प्लॅन बी आहे का?’ याला अमित शाह यांनी उत्तर दिले आहे.
उत्तर देताना अमित शाह म्हणाले, “प्लॅन बी तेव्हाच बनवला जातो जेव्हा प्लान ए च्या यशाची शक्यता 60 टक्क्यांपेक्षा कमी असते. मला पूर्ण विश्वास आहे की पंतप्रधान नरेंद्र मोदी मोठ्या विजयासह सत्तेत परतत आहेत.”
“मला अशी कोणतीही शक्यता दिसत नाही. 60 कोटी लाभार्थ्यांची मजबूत फौज पंतप्रधान मोदींच्या पाठीशी उभी आहे. त्यांना कोणतीही जात किंवा वयोगट नाही. ज्यांना सरकारी योजनांचा फायदा झाला आहे त्यांना माहित आहे की पंतप्रधान नरेंद्र मोदी काय आहेत आणि 400 जागा का द्याव्यात”, असे शाह म्हणाले.आपल्या सरकारच्या यशाबद्दल बोलताना अमित शाह म्हणाले, कलम 370 वर प्रश्न विचारणाऱ्यांना मी सांगू इच्छितो की काश्मीरमध्ये मतदानाची टक्केवारी 40 टक्क्यांच्या पुढे गेली आहे आणि कलम 370 हटवण्यापेक्षा मोठे यश काय असू शकते. सर्व कट्टरवादी गट आणि नेते मतदान करत आहेत. ते लोकशाही प्रक्रियेचा भाग बनले आहेत. यापूर्वी काश्मीरमध्ये निवडणुकांवर बहिष्कार टाकण्याचे नारे देण्यात आले होते, मात्र आज शांततेत निवडणुका होत आहेत.
विरोधी आघाडीवर निशाणा साधत अमित शाह म्हणाले की, इंडिया आघाडीचे सर्व पात्र सारखेच आहेत, त्यामुळेच ते एकत्र आले आहेत. हे सर्व पक्ष घराणेशाहीच्या राजकारणावर आधारित आहेत. हे सर्वजण कलम 370 पुन्हा लागू करण्याविषयी बोलतात. हे सर्व पक्ष समान नागरी संहिता आणि CAA ला विरोध करतात. ते भ्रष्टाचारात बुडालेले आहेत.
दिल्लीचे मुख्यमंत्री अरविंद केजरीवाल यांच्या निवडणूक प्रचारावर शाह म्हणाले, मतदार म्हणून मला विश्वास आहे की ते जिथे जातील तिथे लोकांना दारूचा घोटाळा आठवेल… अनेकांना दिल्लीत मोठी बाटली दिसेल.
