सिंधुदुर्ग 1 जुलै :- रोटरी क्लब ऑफ बेंगलोरचे रोटेरियन रविशंकर डाकोजू यांनी “डाकोजू धन्यवाद” उपक्रमांतर्गत सिंधुदुर्ग जिल्ह्यातील रोटरी क्लब ऑफ कुडाळ अंतर्गत सर्व रोटरी क्लबना ११ हजार वृक्ष दान केले आहेत. बुधवार दि.३ जुलै रोजी पणदूर येथे रो.रविशंकर डाकोजू ,पीडीजी गोरिश धोंड गोवा,नील जोसेफ व सुधेद्रु डाकोजू यांचे उपस्थितीत या वृक्षांचे वितरण होणार आहे. अशी माहिती या उपक्रमाचे समन्वयक रो.गजानन कांदळगावकर यांनी दिली.
“DAKOJU’s DHANYAVAD” हा रविशंकर डाकोजू यांचा हृदयस्पर्शी उपक्रम आहे, जो महाराष्ट्र आणि गोवा येथे 1 लाख झाडे लावण्याचा उद्देश आहे. हा प्रकल्प पृथ्वी माता प्रती कृतज्ञता व्यक्त करण्यासाठी आहे, ज्यामध्ये जागतिक तापमानवाढ, ओझोन थराची हानी, प्रदूषण, जंगलतोड, आणि हवामान बदलामुळे होणारी पर्यावरणीय असंतुलन यासारख्या तातडीच्या समस्यांना सामोरे जाण्यासाठी आहे. रविशंकर या संकटाला “पृथ्वीचा पोलिओ” म्हणतात. ते आपल्या पालकांचे आणि पृथ्वी मातेचे, ज्यांना ते त्यांची जिवंत आई मानतात, त्याबद्दल ते खूप आभारी आहेत.
सिंधुदुर्ग जिल्ह्यातील सर्व रोटरी क्लब मार्फत जि.प. व माध्यमिक शाळांना दरवर्षी १० हजार वृक्ष वितरित केले जाणार असून पुढील पाच वर्षे हा उपक्रम सुरू राहणार आहे. या वृक्षांमध्ये आंबा , काजू ,नारळ ,सुपारी ,चिकू आदि वृक्षांचा समावेश आहे. ३ जुलै रोजी सकाळी ९ वा माणगाव हायस्कुल येथे १ हजार वृक्ष वितरित केले जाणार असून त्यावेळी बेंगलोरहून रो. रविशंकर डाकोजू ,नील जोसेफ व सुधेद्रु डाकोजू ,पीडीजी गोरिश धोंड उपस्थित राहणार आहेत. तसेच पणदूर हायस्कुल येथे सकाळी ११ वाजता १ हजार ५०० वृक्षांचे वितरण केले जाणार आहे. याचवेळी सिंधुदुर्ग जिल्ह्यातील अन्य सर्व रोटरी क्लबना 11000 वृक्ष वितरित करण्यात येणार आहेत. यावेळी रो.रविशंकर डाकोजू ,नील जोसेफ व सुधेद्रु डाकोजू ,पीडीजी गौरिष धोंड डिस्ट्रिक्ट सेक्रेटरी रो.प्रणय तेली ,या उपक्रमचे समन्वयक रो.गजानन कांदळगावकर,रोटरी क्लब ऑफ कुडाळ अध्यक्ष रो.डाॅ.संजय केसरे ,असिस्टंट गव्हर्नर रो.महादेव पाटकर ,रो.डाॅ विद्याधर तायशेटये, सर्व रोटरी क्लब चे अध्यक्ष,रो.राजन बोभाटे ,रो.शशिकांत चव्हाण,रो.ॲड.राजीव बिले आदी मान्यवर उपस्थित राहणार आहेत.
