मनीषा पापडकर यांचा आरोप
नागपूर :- वंजारी हॉस्पिटलमध्ये एका अविवाहित महिलेचा बेकायदेशीर गर्भपात करण्यात आल्याचा आरोप शिवसेना महिला जिल्हा प्रमुख मनीषा पापडकर यांनी लगावला आहे. या प्रकरणी शिवसेना महिलांनी पत्र परिषद आयोजित करून हॉस्पिटलवर कारवाईची मागणी केली आहे.
पापडकर यांनी पत्रकार परिषदेमध्ये सांगितले की पिडीत महिला आणि सौरभ नावाच्या व्यक्तीमध्ये प्रेम संबंध होते. लग्नाचे आमिष दाखवून महिलेवर लैंगिक अत्याचार केले आणि ती गरोदर राहिली. वंजारी हॉस्पिटलमध्ये डॉक्टर आरती वंजारी यांनी 50 हजार रुपये घेऊन गैरसमंजसपणे गर्भपात केला. महिलेला गर्भपातापूर्वी कोणतीही औषधे दिली गेली नाहीत आणि तिला फाईलमध्ये काय माहिती दिली गेली याची माहिती नाही.
शिवसेनेचा आरोप आहे की, हॉस्पिटलने शासनाची परवानगी न घेता गर्भपात केला आणि MTP कायद्याचे उल्लंघन केले.
या पत्र परिषदेत शिवसेना महिला जिल्हा प्रमुख मनीषा पापडकर, शहर प्रमुख सचिन यादव, मंजुषा पानबुडे, मनीषा पराड, पूनम चाडगे, नयना दीक्षित, कु. सुनिता चालखोरे, कु. बबिता शे.चालखोरे आणि सौ. वृषाली विश्वास बाईवार उपस्थित होते.
