निवडणुकीतील पराभवानंतर सोडले प्रदेशाध्यक्ष पद
कोलकाता(Kolkata) 21 जून:- पश्चिम बंगाल काँग्रेसचे अध्यक्ष अधीर रंजन चौधरी यांनी आपल्या पदाचा राजीनामा दिला आहे. त्यांनी प्रदेशाध्यक्षपदाचा राजीनामा दिला आहे. नुकत्याच झालेल्या लोकसभा निवडणुकीत काँग्रेसला पश्चिम बंगालमध्ये एकही जागा जिंकता आली नाही.
राज्याच्या बहारमपूर लोकसभा मतदारसंघातून अधीर रंजन चौधरी यांना पराभवाचा सामना करावा लागला. माजी क्रिकेटपटू आणि टीएमसीचे उमेदवार युसूफ पठाण यांच्याकडून त्यांना पराभव पत्करावा करावा लागला होता. काँग्रेसच्या बंगाल युनिटनेही शुक्रवारी बैठक बोलावली होती. या बैठकीत निवडणूक निकालांवर चर्चा करण्यात आली. डाव्या पक्षांशी युती करण्याचा निर्णय वरून लादला गेला, असा प्रश्नही उपस्थित झाला. त्यासाठी तळागाळातील नेत्यांसह राज्यातील बड्या नेत्यांनाही विश्वासात घेतले गेले नाही. निवडणुकीच्या निकालाचा आढावा घेण्यासाठी झालेल्या बैठकीत जिल्हाप्रमुखांनी युतीबाबत चिंता व्यक्त करत त्यासाठी कोणतेही मत घेतले नसल्याचे सांगितले. अधीर रंजन चौधरी हे स्वतः सीपीएमसोबत युती करण्याच्या बाजूने आहेत. उत्तर बंगाल आणि स्वतःच्या जिल्ह्यात काँग्रेसची स्थिती मजबूत करण्यासाठी त्यांनी सीपीएमचा पाठिंबा घेतल्याचे बोलले जाते.
या बैठकीत राज्याच्या नेत्यांनी केंद्रीय पर्यवेक्षक गुलाम अहमद मीर यांच्याकडे आपल्या समस्या मांडल्या. सीपीएमसोबत युती करताना दक्षिण बंगालचा विचार केला गेला नाही, असे ते म्हणाले. जिल्हाप्रमुखांचे म्हणणेही ऐकून घेतले नाही. सीपीएमसोबतच्या युतीबाबत तळागाळातील कार्यकर्त्यांमध्ये नाराजी असल्याचे या नेत्यांनी सांगितले. आमच्याशी कोणतीही चर्चा न करता हा निर्णय घेतल्याचे नेत्यांचे म्हणणे आहे. अधीर रंजन चौधरीही यावेळी उपस्थित होते. अधीर रंजन यांनीही युतीबाबत टीका करताना स्पष्टीकरण दिले. ते म्हणाले की पराभवासाठी कोणत्याही व्यक्तीला एकट्याला दोषी ठरवता येणार नाही. तृणमूल काँग्रेसच्या विरोधावर ते म्हणाले की, टीएमसीने ज्या प्रकारे काँग्रेसवर हल्ला केला होता. त्या दृष्टीने मला उत्तर देणे आवश्यक होते असे अधीर रंजन म्हणाले.
